Aure Séguier
2023, ed. Reclams
Un roman de science fiction, en occitan languedocien ou gascon, dans lequel deux lycéens voyagent dans le temps. Transportés à la préhistoire, ils auront pour mission de faire reprendre à l'Histoire son cours naturel.
Aure Séguier que nos perpausa un libe joenessa de sciéncia ficcion qui encantarà lo legidor e la legidora. Dinosaures, ua halha espaciotemporau, la Societat deus Guardians Temporaus (SGT) e dus liceans que son los ingredients d'aquera istòria qui va a trucatambor.
>> Acheter la version en occitan languedocien
>> Acheter la version en occitan gascon
Que començava la setmana dab duas òras de francés. La votz soporifica de Dauna Grandet n’ajudava pas tà’s hicar au tribalh. Au cap d’un quart d’òra, Matèu qu’èra mieitat adromit. Qu’espiava per la hrièsta dab uelhs entelats. Un triceratòps que passava dens la cort.
Lo gojat que tressautè e qu'espiè dab mei d'atencion. Ua longa coda grisa que desapareishèva darrèr lo gimnasi. « Aqueste còp, be'm soi vertadèrament adromit ! B'ei quitament saunejat ! » ce's pensè. Qu'ensajè de's concentrar mei sus la professora.
Lo triceratòps se virava d'un costat e de l'autre. Semblava perdut. D'un còp, vegèt los dos jovents. Bramèt dos o tres còps. Se virèt cap a eles e baissèt lo cap.
- Mèfi ! Nos va cargar ! cridèt Matèu.
Agantèt la marga de sa companha e l'entraïnèt dins la carrièra que venián de quitar.
- Aquí ! diguèt la joventa en mostrant una granda pòrta obèrta.
Dintrèron puèi la tampèron. Èran dins una petita cort.
- Se nos a vistes, es qu'es a préner mai en mai de realitat, çò marmolhèt ela.